കാലൻ കുട

ഞാൻ ഒത്തിരി നോക്കീർന്നു കണ്ടില്ല
എന്നോട് വഴക്കിട്ടിട്ടാകും ന്നാ കരുതിയെ
എപ്പോഴും പോലെ -
എവിടേലും ഒളിച്ചിരിപ്പുണ്ടാകുംന്നും -
ഇന്ന് ഞാൻ മിണ്ടാൻ വരുന്നില്ലാന്നും
ഉറപ്പിച്ചു .
പിന്നേം കാണാതായപ്പോ
മനസ്സ് പിടക്കാൻ തുടങ്ങി
എന്നാലും ഇത്രേം നേരം കാണാതിരിക്കുമോ
ന്നാ അന്വേഷിച്ചൊന്നു പോകാൻ
ഇറമ്പത്തുന്നു ന്റെ കാലൻകുടയ്ക്
കൈയെത്തിയപ്പോളല്ലേ
മനസിലായെ , ന്റെ കുടേ
കാണാതായത് നിന്നെ ആണെന്ന് ...