നിന്നിലേകെത്തുമ്പോൾ

എന്റെ ഓർമ്മകൾ

നിന്നിലേകെത്തുമ്പോൾ

എവിടെയോ ഒരു മഴ

ചാറി തുടങ്ങുന്നുണ്ടാവം

ഒരു വെയിൽ അതിന്റെ

അവസാന കിരണവും

ചുവപ്പിചിട്ടുണ്ടാവാം

പേരറിയാത്ത ഏതോ

പക്ഷികൾ അവയുടെ പാട്ട്

നിർത്തി കൊക്കുരുമ്മി

ചിറകൊതുക്കുന്നുണ്ടാകാം

 ഒരു കൈതപ്പൂ അതിന്റെ

മണം അതിരുകളില്ലാതെ

പരത്തുന്നുണ്ടാകും

തുടക്കവും ഒടുക്കവും

അറിയാത്ത ഒരു ചെറു കാറ്റു

നിന്നെ തഴുകി മാറുന്നുണ്ടാവം  

 എന്തിനെന്നറിയാതെ

തുടുക്കുന്ന നിൻ കവിളുകളിൽ

സ്വപ്‌നങ്ങൾ കണ്ണാടി നോക്കുന്നുണ്ടാകാം