പിരിച്ചെഴുത്ത്

അനേകം സാധ്യതകളിൽ നിന്ന്
സംഭവിച്ച ഒരു ദിവസത്തിനെ
എങ്ങിനെ പിരിച്ചെഴുതാം
നീയും ഞാനുമെന്നോ
അതോ ഇരുളിനേം
വെളിച്ചത്തിനെം
ഇടകലർത്തി കുഴിച്ചുമൂടിയ
നമ്മുടെ സ്വപ്നങ്ങളെന്നോ

മനസ്സ്

ഞാന്‍ അസ്വസ്ഥയാണ്..
സ്വപ്നത്തിന്റെയും യാഥാര്‍ത്ഥ്യത്തിന്റെയും
നേര്‍ത്ത അതിര്‍ വരമ്പുകളില്‍
മനസ്സിന്‍റെ വിഭ്രാത്മക പരിവൃത്തം.
സംഭ്രമിപ്പിക്കുന്ന ചിന്തകളുടെ
വേലിയേറ്റ- ഇറക്കങ്ങള്‍.
തിളച്ചുപൊന്തുന്ന നിശ്വാസങ്ങള്‍
അവ തച്ചുടയ്ക്കുന്ന -
മനഃസന്തുലനം