https://lh3.googleusercontent.com/.../w426-h284/15+-+1

2019, ജൂൺ 24, തിങ്കളാഴ്‌ച

ഹമ്പട ഞാനേ"

ഉള്ളിന്റെ ഉള്ളിൽ 
മരിച്ചു - മരച്ചങ്ങു പോകുമ്പോൾ 
ഒരു ഉയിർപ്പുണ്ട്, 
ഒരൊന്നൊന്നര ഉയിർപ്പു. 
അതുവരെ ഉള്ള ഞാനായിരിക്കില്ല 
ആ ഞാൻ .
ഉയിർത്തെണീച്ചു
ചുമലു കുടഞ്ഞൊരു പോക്കാ .
എല്ലാരോടും ചെറുങ്ങനെ ചിരിച്ചു ചിരിച്ചു
വെറുങ്ങനെ അങ്ങിനെ ചിരിച്ചിരിക്കും.
അലമ്പായ അലമ്പിലെല്ലാം കൊണ്ടോയി
തല വയ്ക്കുന്നൊരെണ്ണം.
കൂവിയാർത്ത്,
ബഹളം വെച്ച് ,
കണ്ണില്കണ്ടതും കയ്യിൽകിട്ടിയതും തിന്ന്,
കണ്ട വേരിനോടും മരത്തിനോടും ഒക്കെ
മിണ്ടി,
ഉടുപ്പിലൊക്കെ പെയിന്റ് വാരിപ്പൂശി
മോഡേൺ ആർട്ടാക്കി,
ഒരു കഥയുമില്ലാത്ത
കൊറേ കഥയും പറഞ്ഞു,
എന്തുട്രീ " ന്നു ചോദിച്ചാൽ
ഒന്നൂല്ലഡ്രാ " ന്നു പറഞ്ഞു,
നട്ടപ്പാതിരായ്ക്കും
പൊറപ്പെട്ടു പോവാൻ കൊതിക്കുന്ന ഞാൻ .
അതുവരെ ഉള്ള ഞാനായിരിക്കില്ല,
ആ ഞാൻ .
ഉയിർത്തുവരുന്ന ഞാൻ .
ഹമ്പട ഞാനേ" ന്നു ഞാൻ തന്നെ
വിളിച്ചു പോവുന്ന ഞാൻ.

1 അഭിപ്രായം: