https://lh3.googleusercontent.com/.../w426-h284/15+-+1

2014, ഫെബ്രുവരി 1, ശനിയാഴ്‌ച

ചെരുപ്പുകുത്തി

 ചെരുപ്പുകുത്തി
..............................
ഞാൻ ചെരുപ്പുകുത്തി.
കാണുമ്പോൾ തന്നെ
നിങ്ങളുടെ കാലിലേക്ക് നോക്കുന്ന,
തേഞ്ഞു പോയ ചെരിപ്പുകളുടെ
ആത്മാവിനെ തുന്നുന്ന,
നിറം മങ്ങിയോര-
ലുക്കുകളെ മിനുക്കുന്ന,
കറപിടിച്ച പല്ലുകൾ കാണിച്ചു
വരൂ എന്നു ക്ഷണിക്കുന്ന,
തുന്നാൻ സ്വന്തമായൊരു
ചെരുപ്പില്ലാത്ത,
പാത തൻ തണലോരം
കൂടാരമാക്കി -
ചുറ്റും നിരത്തിവെച്ച
വാറുപോയ ,
ഉപേക്ഷിക്കപെട്ട
ചെരുപ്പുകളുടെ
ശ്വാസം മുട്ടിയ
നിലവിളിയിൽ സ്വയം
മുങ്ങിയ ചെരുപ്പുകുത്തി .

എനിക്ക് വേണം
ഒരു ചെരുപ്പുകുത്തിയെ
പാകമാകാത്തയീ  ചെരിപ്പിനെ
എന്റെ കാലിലേക്ക് തുന്നിചേർക്കാൻ .
അല്ലെങ്കിൽ ,
എന്റെ കാലുകളെ
ഈ ചെരിപ്പുകൾക്ക്
പാകമാക്കാൻ
അഴിഞ്ഞുപോകാത്ത,
കൊളുത്തുകൾ വെച്ച്,
തേച്ചു മിനുക്കിയോരലുക്കുകൾ
വെച്ചു , നടക്കുംതോറും
ഇളകാത്തവിധം
കാലിനോട് ചേർത്ത്
തുന്നിവെക്കാൻ
എനിക്ക് വേണം
ഒരു ചെരുപ്പുകുത്തിയെ.


5 അഭിപ്രായങ്ങൾ:

  1. എനിക്ക് വേണം
    ഒരു ചെരുപ്പുകുത്തിയെ
    പാകമാകാത്തയീ ചെരിപ്പിനെ
    എന്റെ കാലിലേക്ക് തുന്നിചേർക്കാൻ

    മറുപടിഇല്ലാതാക്കൂ
  2. സ്വന്തം വേദനകള്‍ ഉള്ളില്‍ ഒതുക്കി മറ്റുള്ളവരെ മിനുക്കുന്നവര്‍ ... നല്ല വരികള്‍ നല്ല ആശയം .

    മറുപടിഇല്ലാതാക്കൂ
  3. പലയിടത്തും ചെരുപ്പുകുത്തികള്‍ അനിവാര്യമായിരിക്കുന്നു.
    ഇഷ്ടപ്പെട്ടു.

    മറുപടിഇല്ലാതാക്കൂ
  4. ആശയം മനോഹരം ...
    വരികള്‍ ഒന്ന് കൂടെ ആറ്റിക്കുറുക്കിയിരുന്നെങ്കില്‍ കവിത കൂടുതല്‍ മികവുറ്റതായേനെ എന്നൊരു അഭിപ്രായമുണ്ട് ... ആശംസകള്‍ ...

    മറുപടിഇല്ലാതാക്കൂ